نێچیروان بارزانی ئارەزوو بەرزکردن پەیوەندیەیل ناوبەین هەرێم کوردستان و ئیتالیا دیرێد
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک نێچیروان بارزانی سوپاس هەرێم کوردستان ئەرا رۆڵ ئیتالیا و پاڵپشتیکردن سەربازی عراق و هەرێم کوردستان لە جەنگ دژوە داعش نووەو کرد، ئارەزوو هەرێم کوردستان ئەرا گەشەپیدان پەیوەندیەیلی وەرد ئیتالیا و فراوانکردن هاوکاری لە چین ئاسایش وەشیوەیگ تایبەت نشان دا.
نێچیروان بارزانی هەمیش دەسخوەشی لە رۆڵ هیزەیل ئیتالیا لە هەرێم کوردستان کرد، لە چین راهینان هیزەیل پیشمەرگە.
لەلای خوەییش، وەگەرد دەسنشانکرن وەردەوامی وڵاتەگەی لە پیشکەشکردن پالپشتی سەربازی ئەرا عراق و هەرێم کوردستان و ریزگردن ئیتالیا لە رۆڵ هەرێم کوردستان لە شکانن داعش، وەزیر وەرگری ئیتالیا دووپات کرد ک وڵاتەکەی وە گرنگی نووڕێدە پەیوەندیەیلی وەرد عراق و هەرێم کوردستان، و ئاسایش و ئارامی هەرێم کوردستان و عراق وە کار زاڵیگ لەبان ناوچەگە و جەهان دادە قەڵەم.
بڕیگ باوەت خاوەن گرنگیداین هاوبەش، و کاردانەوەی جەنگ لە ئۆکرانیا و نووترین گەشەیل لە ناوچەگە وەشیوەی گشتی، باوەتەیل ناو ئەو دیدارە بوین ک باڵیۆز ئیتالیا لە عراق و قونسوڵ گشتی و فەرماندەی هیزەیل ئیتالیا لە هەرێم کوردستان ئامادەی بوی.
