نێچیرڤان بارزانی و سدیق دووپات لە گرنگی هەماهەنگی سیاسی کەن ئەرا مقیەتیکردن ئارامی عراق
شەفەق نیوز - هەولێر
نێچیرڤان بارزانی، سەرۆک هەرێم کوردستان، ئمڕوو دووشەممە، وەگەرد باڵیۆز بەریتانی لە عراق عیرفان سدیق، باس پەیوەندییەیل ناوەین بەریتانیا و عراق و هەرێم کوردستان، و پەرەسەنینەیل سیاسی لە وڵاتەگە کرد، و دووپات کردنە بان گرنگی وەردەوامبوین هاوکاری و هەماهەنگی لەناوەین هیزەیل سیاسی ئەرا ئارامی و ئاسایش و سەروەری عراق.
وەپای بەیاننامەیگ لە سەرۆکایەتی هەرێم کە رەسیە ئاژانس شەفەق نیوز، هەردوگ لایەنەگە باس پرۆسەی دروسکردن حکومەت فیدراڵی کردن، وەگەرد رەوشەیل سیاسی لە هەرێم کوردستان و ئەو تەقەلایلە ک ئەرا وەپشتگووشخستن و چارەسەرکردن کێشەیل ناوخۆیی دریەێد، و وە دووپات کردن لە هەوەجەی وەردەوامبوین گفتوگۆ و لەیەکفامستن لەناوەین هەولێر و بەغداد ئەرا چارەسەرکردن پرسە هەڵواسیاگەیل.
هەرلیوا، دیدارەگە باس لە پەرەسەنینەیل هەرێمی و رەوشەیل ناوچەگە کرد، ک هەردوگ لایەنەگە پیشوازی لە راگەیانن رێککەفتن ناوەین ویلایەتە یەکگرتگەیل و ئیران کردن، و ئومیدخواز بۊین ک یە بەشداری بکەێد لە ودیهاوردن ئاشتی و سەقامگیری وەردەوام لە ناوچەگە، و دووپات کردن لەبان گرنگی چارەسەرکردن کێشە و ناکۆکییەیل وە ریەیل ئاشتییانە.
قونسوڵ گشتی بەریتانی لە هەرێم کوردستان لە دیدارەگە ئامادە بۊ.
