نێچیرڤان بارزانی و سامەڕائی دووپات لەبان جیوەجیکردن "دادپەروەری دەستووری" لە عراق کەن
شەفەق نیوز/ سەرۆک هەرێم کوردستان، نێچیرڤان بارزانی، ئمڕوو دووشەممە، وەگەرد سەرۆک هاوپەیمان “ئەلعەزم”، موتەننا ئەلسامەڕائی، لە بەغدا گردەو بوی، کە لەناو دیدارەگە باس رەوشەیل سیاسی وڵات و ریەیل پتەوکردن پەیوەندییەیل لە ناوەین حکومەت فیدراڵی و حکومەت هەرێم کوردستان کریا.
وەگورەی بەیاننامەیگ رەسیە ئاژانس شەفەق نیوز، هەردوگلا دووپات لەبان گرنگی مقیەتیکردن ماف گشت پێکهاته عراقییەیل و مسۆگەرکردن یەکسانی ناوەینیان کردن، وەشیوەیگ وەیەکەوژیان و ژیان ئاشتیانه بەرزەو بکەێد، و رەنگدانەوەی دادپەروەری بارێدەو کە لە دەستوور عێراقدا دیاری کریاس.
هەرلیوا، دووپات لەبان گرنگی وەرپرسایەتی هاوبەش لە ناوەین هیز و لایەنە عراقییەیل و هەماهەنگی وەردەوام ئەرا مقیەتیکردن ئارامی و ئاسایش له عراق کردیا.
لەلای خوەییش، هاوپەیمان "ئەلعەزم" لە بەیاننامەیگ رەسیە ئاژانس شەفەق نیوز وت: سامەڕائی وەگەرد نێچیرڤان بارزانی، سەرۆک هەرێم کوردستان، باس بڕیگ باوەت نیشتمانی و ناوچەیی و بەرژەوەنی هاوبەشیان کرد.
وەگورەی بەیاننامەگە، هەردوگلا باسی لە باوەت هەرێمی و ریەیل قایمکردن رزەیل نیشتیمانی کردن، ئەرا نواگیریکردن ئاستەنگەیل ئیسە و گرنگی بەرزکردن لەیەکفامسنن ناوەین هیزە سیاسییەیل عراق، و باس ئەو تەقەلایلە کردن دریانە ئەرا چارەسەرکردن کێشە گیرهاتگەیل ناوەین حکومەت فیدراڵی و حکومەت هەرێم کوردستان، وەشیوەیگ کە بەشداربوود لە قایمکردن هاوکاری و کار هاوبەش ئەرا خزمەتکردن گشت خەڵک هەرێم کوردستان.
هەرلیوار لە دیدارەگە باس لە پاڵپشتیکردن ئیرادەی گەل سوریا ئەرا چارەنویسی کرا، و دووپات کریا کە ئاسایش ناوچەگە جیاجیا نیەکریەێد، و باس گرنگ هاوکاریی هەرێمی و ناودەوڵەتی ئەرا رەسین وە سەقامگیری و نواگیریکردن ئاستەنگە هاوبەشەیل کریا.
لە دیدارەگە باس لە پاڵپشتیکردن چاکسازیی ئابووری و دارایی، و کارکردن ئەرا وەدەسهاوردن هاوسەنگی لە بەشەوکردن سەرچاوەیل وەشیوەیگ کە دادپەروەری وەدەس بارێد و ئارامی نیشتیمانی بەرزەو بکەێد، کە هەردوگلا دووپات لە گرنگیی دانوسەنین وەردەوام کردن جویر ئامرازیگ کاریگەر ئەرا وەپشتسەرنان قەیرانەیل ئیسە، لە خود وەختەگە دووپات لەبان پابەندبوین ەە نەگۆڕە نیشتمانییەیل و رەسین وە خواستەیل عراقییەیل.
