مناڵیگ لە سلێمانی سەگەیل کوتکوتی کەن
شەفەق نیوز/ باوگ دویەتیگ لە تەمەن ١٠ ساڵان، ئمڕوو چوارشەممە، وت: دویتەگەی کەفتە وەر پەلامار سەگ، هەنای چیە ناو قەفەس سەگەیل لە سلێمانی.
"عەلی بەجە" باوگ "لیا" لە کۆنگرەیگ رووژنامەوانی ئمڕوو وت: دویەتەگەی رووژ دووشەممە، لە ساعەت ٢:٤٠ خولەک لەماڵ دەرچگە، ئیجا کفتنە مینەێ، و کەمیگ دیر کەفتن، دویای ئەوە چینە ناو ماڵ هاوسایان ک بڕیگ سەگ دیرێد.
و دیاری کرد ک سێ سەگ لەناو ئەو ماڵە هەس، و خریانەسە ناو قەفەس، باوجی دویەتەگەی زیان لە بیماری مەغزی دیرێد، چیەسە ناو قەفەسەگە تا بازی وەرد ئەو سەگەیلە بکەێد.
باوگ دویەتەگە وتیش: لەناو پارچە ڤیدیۆییگ نووڕیە ک دویەتەگەی چیەسە ناو قەفەسەگە، و کەفتیەسە وەر پەلامار سەگەیلە، و هەنای رەسیمنە لای، هویچیگ وەپیم نەکریا مەگەر تەنیا هاوار لە پاسەوانەیل کردم بان دویەتەم قورتار بکەن، باوجی هەنای دراوەدیمنەی، سەگەیلە پارچەپارچەی کردوین، و دی رەساننی وە خەسەخانە بیخود بوی، و تا داڵگییش وەیجویرە نەوینێدەی.
باوگەگە وتیش: سکاڵا لەبان هاوسامان توومار نەکردیمن، چوینکە ئەوان لەئیمە خەفەتبارتر بوین.
