یەک مردن و ١٤ تووشهاتن نوو وە کۆڕۆنا لە ناوچەیل ئیدارەی سەروەخوەیی
2021-01-04T09:05:43+00:00
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو دووشەممە، راگەیان تۆمارکردن ١٤ تووشهاتن نوو وە ڤایڕۆس کۆڕۆنا لە گشت ناوچەیل باکوور و خوەرهەڵات سوریا.
جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: تووشهاتنەگان ٧ پیاو و ٧ ژنن.
وتیش: تووشهاتنە نووەگان وەیجوورە بەشەوە بوین؛ قامیشلۆ ٤، تەل تەمر ١، دێرک ٥، کەرکی لەکی ١، تربە سپێ ١، ریقە ١، شەهبا ١.
جوان موستەفا هەمیش وت؛ یەک خاسەوبوین تۆمار کریا، وهەمیش یەک مردن نوو.
ژمارەی تووشهاتنەگان وە ڤایڕۆس کۆڕۆنا لە ناوچەیل ئیدارەی سەروەخوەیی رەسیە ٨١١٣، و ٢٧٦ مردن ، و ١١٥٠ خاسەوبوین.
