٥ مردن و ٢٢٠ تووشهاتن نوو وە کۆڕۆنا لە ئیدارەی سەروەخوەیی
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو جمعە، راگەیان تۆمارکردن ٥ مردن وە ڤایڕۆس کۆڤید-١٩ لە ناوچەیل ئیدارەی سەروەخوەیی.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە باکوور و خوەرهەڵات سوریا لە بەیاننامەیگ رەسیە ئاژانس شەفەق نیوز وت: مردنە نووەکان ئەرا ژن و پیاویگ لە قامیشلۆ و ژن و پیاویگ لە دێرک ز یەک پیاو لە تەبەقە تۆمار کریا، و هەمیش ١٤ خاسەوبوین نوو.
موستەفا وتیش: ٢٢٠ تووشهاتن نوو وە کۆڕۆنا لە ناوچەیل ئیدارەی سەروەخوەیی لە باکوور و خوەرهەڵات سوریا ئەرا ١١٧ پیاو و ١٠٣ ژن تۆمار کردنە.
تووشهاتنە نووەکان وەیجوورە بەشەوە بوین: حەسەکە ٤٧، قامیشلۆ ٧١، دێرک ٥٠، دەرباسیە ٧، عامودا ١، دێر زۆر ١٥، ریقە ٢٦، هۆل ٣.
جی باسە ک ژمارەی تووشهاتنەکان لە ناوچەیل ئیدارەی سەروەخوەیی رەسیە ١٣٤٢٣، لەلیان ٤٤٧ مردنە، و ١٤٢١ خاسەو بوینە.
