مردن داڵگ و کوڕیگ و زەخمداری شەش کەس وە رویداو هاتوچو لە سلێمانی
2023-08-09T08:29:27+00:00
شەفەق نیوز/ وەڕیەوبەرایەتی تەندروسی قەزای چەمچەماڵ، ئمڕوو چوارشەممە، خەوەردا لە مردن و زەخمداری هەشت کەس وە رویداو هاتوچو لەبان رییگ وەرەو شار سلێمانی.
لە بەیاننامەیگ وەڕیەوبەرایەتیەگە ئمڕوو راگەیان، دوو کەس مردنە و شەش کەسیش زەخمدارە وە رویداو هاتوچویگ ک لەبان ری سلێمانی -چەمچەماڵ رویدا.
هەمیش لە بەیاننامەگە ئاشکەرایکرد، ئەو دوو کەسە گیان لە دەسدانە ژنیگ 51 ساڵانە وەگەرد گەنجیگ 21 ساڵ ک داڵگ و کوڕن، و شەش کەسیش زەخمدار بویە ک سێیانیان مناڵ و سێیانیش ژنە.
لە بەیاننامەگە وتیش، تیم وەرگیری رەسیە شوین رویداوەگە ئەرا چارەسەرکردن زەخمدارەیله و کلکردنیان ئەرا خەسخانەی فریاکەفتن چەمچەماڵ.
لەلایگیش پەیامنێر ئاژانس شەفەق نیوز لە زوانی شایەتحاڵیگ وت: رویداوەگە نزیکەی ساعەت 1:00 دویەشەو سێشەممە لەبان ری سەرەکی ناوەین چەمچەماڵ و ناحیەی تەکیە رویدایە.
