مەسرور بارزانی راگەینێد ئامادەیی هەرێم کوردستان ئەرا دەسمیەتی زەخمدارەیل رووداو خەسەخانەگە
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو یەکشەممە، راگەیان ئامادەیی حکومەت هەرێم کوردستان ئەرا پێشکەشکردن دەسمیەتی وه زەخمدارەیل رووداو زیاندار ئاگرەگە ک قوربانییەیلیگ لە خەسەخانەی ئبین خەتیب لە بەغداد خست.
حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: وەگشت خەفت و دڵگرانییگ خەوەر رووداو ئاگرە دڵتەزنەگە ک لە خەسەخانەی ئبین خەتیب لە بەغداد بویەو وەرگردیمن، ک بویە هووکار شەهیدبوین و زەخمداربوین دەیان کەس.
وتیش؛ وەی تویش زیاندارە پرسە وە هاوخەمی و سەرەخوەشی لە خیزان و کەسوکارەیل قوربانیەیل کەم،و نزا لە خودای گەورە کەم بخەێدەیانە وەر رەحمەت فراوان خوەی و بخەێدەیان بەهەشت فراوانی، و وەزی خاسەوبوین بکەێدە بەش زەخمدارەیل.
بارزانی دووپات کرد ک حکومەت هەرێم کوردستان ئامادەس ئەرا پێشکەشکردن گشت شیوەیل هاوکاری و دەسمیەتی، وەتایبەت لە چین تەندروسی، و وەرگردن زەخمدارەیل یا هەر دەسمیەتییگ تێ لە زیانەگە سووکەو بکەێد.
