مەزەنەی هاتن شەپۆڵىگ واران و وەفر لە هەرێم کوردستان کریەێد

شەفەق نیوز/ دەسەی کەشناسی هەرێم کوردستان، ئمڕوو چوارشەممە، راگەیان ناوچەگەمان کەفێە وەر شەپۆلیگ واران و وەفر وارین و نزمەوبوین پلەی گەرمی.

 دەسەگە لە بەیاننامەیگ راگەیان "کاریگەری ئێ کەش زمسانیە لە دیر وەخت شەو چوارشەممە دەسوەپیکەێد و تا رووژ چوارشەممە وەردەوام بوود".

دیاریکرد "لە ئەنجام یەکەوگردن دوو نزمە پاڵەپەستۆی دەریای ناوڕاس و دەریای سوور فرەترین وارین ئەرا رووژ پەنجشەممە مەزەنەکرێد".

ئاشکرایکرد، وەگەرد دەسوەپیکردن واران وارین لە ناوچە سنووریەیل وەفر وارینیش دەسوەپی کەێد، دویایی لە ئەنجام هاتن بارستە وایگ سەرد وەفر وارین لەبان ناوچە کویەیلە نیمەکویەیل و سەنتەر و قەزای ناوچە کویەیلە و سەنتەر  پارێزگاى دهۆک و سلێمانى و هەڵەبجەو ئیدارەى راپەڕین و زاخۆ  وارێد.

دیارییشکرد وەگەرد نزمەوبوین زیاتر پلەی گەرما وەفر وارێد تا  ئاست 600 مەتر وە تێکەڵایی وەگەرد واران وارێد.