مەکتەوە کوردیەیل کەرکوک دەوام سوو کەنە پشوو

وەڕێوەبەر بەشەگە کامەران عەلی حەسەن وە ئاژانس شەفەق نیوز وت، "بەش مەکتەوە کوردیەیل لەدویای گفتوگوکردن وەرد وەڕێوەبەر گشتی پەروەردەی کەرکوک مەنسوور مزری وەپای ئەو دەسڵاتەیلە وەپی دریاس بڕیارە دەوام سوو چوارشەممە بکەنە پشوو لە مەکتەوەیلسەر وە بەش مەکتەوە کوردیەیل وە هەماهەنگی وەرد جەژن نەوروز و  دەرفەتیگ ئەرا ئاهەنگ کردن ئێ بوونە".

وتیش "ئەو مەکتەوە کوردیەیلە کەفنە چوارچمگ وەرپرسیارەتی بەشەگە پشووەگەی رووژ سوو چوارشەممە گرێدەیان".

لەوەر ناجیگیری کەشوهەوا و واران، کەرکوک دەوام  ئمڕوو سێشەممە کردە پشوو.