پەلامار موشەکی ئەرا بان کەمپ حزبیگ کوردی ئیرانی ئۆپۆزسیۆن لە هەولێر
2026-03-14T10:16:54+00:00
شەفەق نیوز - هەولێر
سەرچەوەیگ ئەمنی، ئمڕوو شەممە، خەوەر دا کەمپ "جیژنیکان" سەر وە حزب دیموکرات کوردستان ئیران لە هەولێر، وە سێ موشەک کریاسە ئامانج.
سەرچەوەگە ئەرا ئاژانس شەفەق نیوز وت، موشەکەیل لە دەورگرد کەمپەگە کەفتنە، و خوشبەختانە هویچ زەرەد گیانییگ نەویە، و تا ئیسەیش زانیاری هویرد لەبان بڕ زەرەدە ماددییەیل پەلامارەگە وەردەس نییە.
وتیش؛ لایەنەیل ئاسایش ئاخڵەی شوین رویداوەگە دان، وەبی ئاشکراکردن زانیاری زیاتر.
