لەناوەین هەزاران ناونیشان.. سلێمانی دەر یەکەمین پێشانگای کتاو کوردی وازکەێد (وینە)
شەفەق نیوز ـ سلێمانی
لەناوەین تاقچەیل پڕ لە هەزاران ناونیشان، و کتاوەیل دەگمەن کە گلەوخواردن ئەرا خوەنین، سلێمانی دەر یەکەمین پێشانگای تایوەت وە کتاو کوردی وازکرد، وە بەشداری 45 دەزگای بڵاوکردن، لە چالاکییگ کە تەقەلا دەێد زوان و شوناس و کلتوور کوردی بوودە ناوەن بڵاوکەرەیل و نویسەرەیل و خوەنەرەیل لە یەک شوین گردەو بکەێد.
پێشانگەگە، کە لە "فاملی موڵ" وە درووشم "کتاو کوردی زوان و شوناسمانە" وەڕێوەچێد، تا 23 ئاگەست/ئاب 2026 وەردەوام بوود، و ڕووژانە دەروازەییلی لە ساعەت 11 شەوەکی تا 11 شەو وازکەێد، لە وەختیگ لە بەشە بەرهەمەیل لە ئەدەب و داستان و ڕۆمان و مێژوو و مژارەیل ترەکە، وە بێجگە لە کتاوەیل دەگمەن کە وە نرخ کەمەوکریاگ نمایشکرێد.
رەوەز حەمه صالح، سەرپەرشتیار پێشانگەگە، ئەرا پەیامنێر ئاژانس شەفەق نیوز وت، ئێ ئەزموونە وە یەکەم لە جویری خوەی هەشمار کریێد ئەرا پێشانگەیگ تایبەت وە کتاو کوردی، وە بەشداری 45 دەزگای بڵاوکردن لە شارەیل هەرێم کوردستان، و رووشن کرد، ئامانج لەلی بڵاوکردن کلتوور کوردییە لە مژارە جیاجیاگان و ناسانن زیاتر وە بەرهەم نویسەرەیل کورد.
وتیش؛ هەزاران ناونیشان لە پێشانگاگە خرێدەروی، لەناوەین پیشوازیکردن خاسیگ، و هیواداربوین خوەی نیشاندا کە ئێ گامە بوودە سەرەتای رێکخسن چالاکی و پرۆژەیل گەپترگ لە قۆناغەیل ئایندە، کە بەشدازە لە خزمەتکردن کتاو و رووشنهویری کوردەیل.
لە ناوەین راڕەوەیل پێشانگەگە، سەردانکەرەیل رووبەر فراوانتریگ پەیاکردن ئەرا مینەکردن ناونیشانەیگ کە هاتێ وە ئاسانی دەسنەکەفێد، وە تایوەت کتاوەیل دەگمەن، لەوەختیگ داوەزانن نرخەیل رۆل داشت لە فەراهەمکردنی دەرفەت گەورەتر ئەرا خوەنەرەیل ئەرا سەنین ئەو کتاوەیلە کە مینەی کەن.
