لەماوەی دوو مانگ 40 کەس لە کرمانشان وە قارچگ ژەهراوی بوینە
2022-05-25T08:06:16+00:00
شەفەق نیوز/ جێگر زانکۆی زانستیی پزیشکیی کرماشان راگەیان، لە دوو مانگ گوزەشتە 40 کەس لە پارێزگای کرماشان لەوەر خواردن قارچگ ژەهراویی تویش بیماری هاتنە و سەردان خەسخانە کردنە.
ئیبراهیم شەکیبا، جیگر سەرۆک زانکۆی زانستیی پزیشکیی کرماشان ئەرا کاروبار تەندروستی راگەیان، لە نەوروز ئەمساڵەو تا ئیسە 34 کەس لەوەر خواردن قارچگ ژەهراویی لە خەسخانە خەفاننە و شەش کەسیش دەرمان وەرگردنە.
وتیش" جیاکردن قارچگە خوەراکیەیل وەگەرد قارچگ ژەهراوی کار فرە سەختیگە هەر یەیش بوودە هووکار ژەهراویبوین کۆئەندام هەرس".
