لە سلێمانی و گەرمیان و هەڵەبجە: فەرمانبەرەیل بایکۆت دەوام کەن
شەفەق نیوز/ فەرمانبەریل فەرمانگەیل خزمەتگوزاری لە پارێزگای سلێمانی، ئمڕوو یەکشەممە، بایکۆت دەوام ئەنجامدان ئەرا دۊاکەفتن مووچەیل مانگانەیان.
لەهەمان وەخت فەرمانبەریل وەڕێەوبەرایەتی گشتی گەشتوگوزار بایکۆت راگەیانن، و فەرمانبەریل پارێزگای هەڵەبجە گشت وەرێەوبەرایەتی رووشنهۊری و کشتوکاڵ وەگشتی هانە رز بایکۆت و کارەیلیان وساننە.
پەیامنێر ئاژانس شەفەق نیوز وت؛ فەرمانبەیل سەرۆکایەتی شارەوانی و وەڕێەوبەرایەتی بەشوکردن کارەبا و بەشیگ لە ئەندامەیل تەندروسی سلێمانی و شمارەی فرەیگ لە ستاف هووکارەکردن و خوەنستن لە پارێزگای سلێمانی بایکۆت دەوامەیلیان راگەیانن.
وتیش، بایکۆتکەرەیل داوای خەرجکردن مووچەی مانگانەیان کەن، دووپاتکردنە گلەونێخوەن ئەرا دەوام فەرمیان تا مووچەی مانگانەیان وەرنەگرن.
ئەنجومەن گشتی پەروەردەیل دۊکە مانگرتنە گشتی ڕاگەیان و دووپاتکرد، خەراوبۊن قەیران دارایی هاووەخت وەگەرد بەرزەوبۊن نرخ نەفت لێوا وەپیمان کەێد سەرسام بۊمن وە هووکارەیل ئی قەیرانە و ئەرا چە لەی مەوقە وە دیارکریایی.
