پۆلیس سلێمانی وە توومەت وەکارهاوردن و بازرگانیکردن مادەی هووشبەر توومەتباریگ دەسگیرکرد
2023-02-19T08:26:42+00:00
شەفەق نیوز/ وەڕیەوبەرایەتی پۆلیس سلێمانی، ئمڕوو یەکشەممە، راگەیان کابرایگ وە توومەت وەکارهاوردن و بازرگانیکردن وە مادەی هووشبەر دەسگیرکردنە.
وڕیەوبەرایەتیەگە ئمڕوو لە بەیاننامەیگ راگەیان، " وە لایەن بنکەی پۆلیس حەسار سەر وە بەش پۆلیس سەید سادق، وە توومەت وەکارهاوردن و بازرگانیکردن وە مادەی هووشبەر توومەتباریگ دەسگیرکریا".
ئاشکەرایکرد، دویای ئەوەگ زانیاری لەبان توومەتباریگ جەمەوکریا ک وەکارهاوەر و بازرگان مادەی هووشبەرە، هێزەیل پۆلیس سەیدسادق لێکۆڵینەوە و وەدویاچگن دەسوەپیکردن ئەرا پەیاکردن و دەسگیرکردن توومەتبار، دویای رویوەروی بوینەوەی چەکداری وەگەرد مەفرەزەیل بنکەی پۆلیس حەسار توەنریا توومەتبارەگە دەسگیربکریەد و وەگەردیا دەسنریا وەبان بریگ مادەی هوشبەر".
وتیش: ئیرنگە توومەتبار ( ج،ت،م لەداڵگبوی 1993 ) وە بڕیار دادوەر و وەپای مادەی 30 لەیاسای بڕەنگاری مادەی هووشبەر دەسگیرکریایە و لێکۆڵینەوە وەگەردی وەردەوامە.
