پلەی گەرمی لە هەرێم کوردستان بەرزەو بوود
2024-01-30T09:50:58+00:00
شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو سێشەممە کەشوهەوای شار و ناوچەیل هەرێم دیاریکرد.
دەسەگە لە بەیانامەیگ راگەیان " ئمڕوو ئاسمان نیمەئەورە لەبڕیگ وەخت و ناوچە ئەرا ئەور تەواویگ ئاڵشتبوود، مەزەنەکرێد شەو نمە واران لە دهۆک بوارێد ناوچە کویەیل بەرز وەفر لەلی وارێد، وپلەی گەرمی وە (2- 3) پلەی سیلیزی بەرزەوبوود".
ئاشکەرایکرد، "سوو چوارشەممە ئاسمان نیمەئەورە جاروەجار ئەور تەواویگە، ناوچە کویەیل سنووری وەفر واریت، لەدویای نیمەڕوو بەشیگ لە ناوچەیل دهۆک نمەواران وارێد و پلەی گەرمی نزیکە لە توومارەیل ئمڕوو".
بەرزترین پلەی گەرمی مەزەنەکریاگ وە پلەی سیلیزی:
هەولێر : 14
سلێمانی : 13
دهۆک : 10
کەرکوک : 16
هەڵەبجە : 14
زاخۆ : 9
سۆران : 9
حاجی ئۆمەران : 2
گەرمیان : 17.
