١٣٪ لە خەڵک سلێمانی ڤاکسین کۆرۆنا دانە و ئەیە فرە کەمە
شەفەق نیوز/ وەڕێوەوەر تەندروسی گشتی لە پارێزگای سلێمانی دکتۆر سەباح هەورامی، ئمڕوو پەنجشەممە، باس کرد، ڕێژەی پێشوازی دانشتوانەێلە ئەرا وەرگردن ڤاکسین دژ وە ڤایرۆس کۆرۆنا فرە کەمە، لە حکومەت هەرێم کوردستان خوازێد ناچاریان بکرێد لە وەرگرد ڤاکسینەگە.
هەورامی لە کۆنگرە ڕووژنامەوانیەگەی ئمڕوو وت: هەر کەس ڤاکسین کۆرۆنا وەربگرێد مقەیەتی خوەی ڕۊیوەرۊی بۊین وە تۊیشبۊین مەترسیدارێگ وە کۆرۆنا کەێد.
وتیش: 13 لە سەد لە دانیشتگەیل پارێزگای سلێمانی ڤاکسین دانە و یە ڕێژەی فرە کەمێگە، هاوڵاتێلە هان بدرێن ئەرا ڤاکسین کۆرۆنا چۊینکە " ڤایرۆسەکە وەی نزیکە دۊیرەو ناکەفێد، مەترسی وە بان ژیان مەردم دێرد، هەرجارە تونترەو بوود لە چەو وەرین، باواجی خوەش بەختانە ڤاکسینەگەی هەسە، و لە دانشتوانەێل خوازم پێشوازی لە وەرگرتن ڤاکسین بکەن".
وەرپرس تەندروسی لە هەرێم کوردستان خوازێد ک وەجیهاوردن لە هەڵمەت ڤاکسین بکەێد، و فەرمانبەرێل لە کەرت تایوەت و گشتیەێلە مەجبوریان بکرێد لە وەرگردن ڤاکسین.
