لە ٢٠١٧ تا ئیسە ئەرا یەکەم جارە.. بڵاوکردن هێزیگ کورد لە پارێزگای کەرکوک
2020-08-16T15:04:32+00:00
شەفەق نیوز/ سەرچەوەیگ ئەمنی وەرپرس، ئمڕوو یەکشەممە، ئاشکراکرد لە بڵاوکردن هێزیگ سەروە هەرێم کوردستان لە پارێزگای کەرکوک، و ئەیە یەکەم جارە لە ٢٠١٧ تا ئیسە.
سەرچەوەگە ئەرا ئاژانس شەفەق نیوز وت: هێزیگ لە پۆلیس مقەیەتی و فریاکەفتن سەروە هەرێم کوردستان، جیگربوی لە ئاوای ''باوە'' وەدویری ١٩ کێلومەتر لە باشوور خوەرهەڵات کەرکوک.
سەرچەوەگە وتیش؛ ئامانجەگە لە بڵاوکردن ئەو هێزە لەورا ئەرا پڕەوکردن بووشاییە ئەمنیەگەی ناوچەگەس، و ئاماژە دا ک ناوچەگە بووشایی ئەمنی گەورایگ وەخوەی دوینێد، کۆمەڵە تیرۆرستەگان وەکاری تیەرن.
