عومرەکاریگ کورد لە مەککە کووچ دویایی کرد
شەفەق نیوز/ وەڕێوەبەرایەتی گشتی حەج و عومرەی هەرێم کوردستان، ئمڕوو چوارشەممە، راگەیان، چوارەم عومرەکار کورد لە مانگ رەمەزان کووچ دویایی کرد.
وەڕێوەبەرایەتیەگە لە بەیاننامەیگ راگەیان، دویکە سێشەممە، هاوڵاتی (ئازاد رەحیم کەریم باجەلان) دانیشتگ ئیدارەی سەروەخوەی گەرمیان کە وە مەبەست عومرە سەردان سعودیە کردبوی، دویای وەجی رەسانن عومرە، دویەشەو لەشار مەککە کووچ دویایی کرد.
دیاریکرد، عومرەکارەگە تەمەنی 48 ساڵە و هویچ بیماریگ نەداشتیە، وە ماشین خوەی گەشت عومرە کردیە وە شیوەی لەناوکاو لە شار مەککە کووچ دویایی کەێد، ئەرا ئێ مەبەستە، نوسینگەی گەرمیانی حەج و عومرەی کوردستان و خاوەن کۆمپانیاگە، هاوکار و هەماهەنگ بوین ئەرا مەراسیم ناشتن لە شار مەککە".
وەپای راگەینراوەگەی حەج و عومرەی هەرێم، ئەیە دەیەم عومرەکار کوردستانە، کە لە سەرەتای ئمساڵەو لە سعودیە، کووچ دویایی کردیە .
