کەشناسیگ هووشداری دروسبوین لافاو دەێد لە هەرێم کوردستان
شەفەق نیوز/ رێباز عەبدول شارەزای مژار کەشناسی، ئمڕوو پەنجشەممە، راگەیان لەوەر تونی ئەو شەپوول وەفر و وارانە کە ئمڕوو پەنجشەممەو روی لە هەرێم کەێد، مەزەنەی دروسبوین لافاو کرێد.
کەشناسەگە لە پۆستیگ ئوشێد؛" لە ئەنجام هاتن نزمە پاڵەپەستۆی دەریای سوور هەرێم کوردستان کەفێدە وەردەم شەپۆل واران و وەفر وارین کە لە ئمڕوو تا رووژ دووشەممەی بانان وەردەوام بوود
دیاریکرد، وە مدوو تونی شەپوول واران وارینەگە مەزەنە کرێد لافاو دروسبوود لەو شوینەیلە کە ئاوەڕۆی گۆنجیاگ نیین.
ئاشکرایکرد، لە لایگیش دیاردەی ئێل نینۆ رێژەی گورجەوبوینی بەرزبویە ئەرا 60% و لەهەمان وەخت، دیاردەی لانینا رێژەی گورجەوبوینی داوەزیە ئەرا 30% تا 40%، یەیش زیاتر کەشەگە سەختەوکەێد، یەیش زیاتر کە بوود مدوو واران و وەفر وارین بەرزیگ.
دیاریکرد، لە رووژ جومعە تەنیا لە شار سلێمانی شەپوول واران و وەفرەگە نیەمینێد لە شار و شارۆچکەیل ترەک وەردەوامە، هەمیش مەزەنەکەێد لە رووژ شەممە و تا دووشەممە، شەپۆلەگە لە سلێمانی دەسوەپی کەێد هاتێ رووژ دووشەممە لە سەنتەر سلێمانیش وەفر بوارێد.
