کەشناسی هەرێم...پلەی گەرما داوەزین وەخوەی دوینێد
2022-12-28T09:18:53+00:00
شەفەق نیوز/ دەسەی کەشناسی هەرێم کوردستان، ئمڕوو چوارشەممە، کەشوهەوای دوو رووژ پارێزگایەیل هەرێم راگەیان و مەزەنە کەێد پلەی گەرما داوەزێد.
دەسەگە لە بەیانامەیگ راگەیان، ئاسمان ئمڕوو لە مابەین ساماڵ و لەکەئەورە و خێرایی وا لەسەرخوەیە و پلەی گەرما کەمیگ نزمەوبوود ووە 1-2 پلە وە بەراورد وە توومارەیل دویەکە.
لەباوەت پلەی گەرمای سوو پەنجشەممە راگەیان، ئاسمان ساماڵ و لەکە ئەورە پلەی گەرما نزیکە لە توومارەیل ئمڕوو، کەشناسی بەرزترین پلەی گەرمای مەزەنەکریاگ وە پلەی سیلیزی خسە روی ک وەیجویرەس:
هەولێر : 14 پلەى سیلیزى
سلێمانی : 9 پلەى سیلیزى
دهۆک : 13 پلەى سیلیزى
کەرکوک : 15 پلەى سیلیزى
هەڵەبجە : 9 پلەى سیلیزى
زاخۆ : 14 پلەى سیلیزى
سۆران : 10 پلەى سیلیزى
گەرمیان : 16 پلەى سیلیزى.
