کەشناسی هەرێم: سوو شەپوولیگ واران روی لە ناوچەگەمان کەێد

دەسەگە لەبەیاننامەیگ رەسیە ئاژانس شەفەق نیوز وت، " ئاسمان هەرێم ئەرا رووژ پەنجشەممە و رووژ جومعە لەناوەین نیمەئەور و ئەور تەواو بوود سوو کاریگەری نزمە پاڵەپەستۆیگ لە دویای نیمەڕوو لەبان ناوچەگەمان زیایبوود، مەزەنەی واران وەشیوەی کەمیگ و مامناوەندیگ هەس".

ئاشکەرایکرد، " لەناوچە سنووریەیل جار وەختیگ واران مامناوەن و کوڵە وەختیگ وارێد، سەنتەر پارێزگایەیل دهۆک و هەولێر کەرکوک هاتێ پرزە واران کەمیگ بوارێد".

 لە بەیاننامەگە دیاریکرد " کاریگەرى ئێ نزمە پاڵەپەستۆە لەبان سنوور پارێزگاى سلێمانى و هەڵەبجەو ئیدارەى گەرمیان زیاتر بوود واران مامناوەن و دروس بوین ئەورە تریشقە هەس لەبان بەشیگ لە ناوچە جیاوازەیل، رووژ جومعە شەوەکیەگەی واران وارین کەمیگ لە بڕیگ ناوچە مینێد دویایی ئاڵشت بوود ئەرا نیمەئەور و پلەی گەرمی کەمیگ نزمەوبوود".