گەشتەیل ئاسمانی لە فڕۆکەخانەی هەرێم کوردستان دووقات بەرزەو بوون
2022-07-13T10:48:21+00:00
شەفەق نیوز/ یەکێتی کۆمپانیایل فڕۆکەوانی لە هەرێم کوردستان، ئمڕوو چوارشەممە، بەرزەوبوین شمارەی گەشتەیل ئاسمانی لە فڕۆکەخانەیل هەرێم کوردستان ئەرا دووقات لەماوەی ئی وەرز تاوسانە راگەیان.
لاوەند مەموەندی سەرۆک یەکێتیەگە ئەرا ئاژانس شەفەق نیوز وت: ئی شمارە تا مانگ ئەیلول ئایندە وەردەوامە لە بەرزەوبوین، وتیش؛ تورکیا ها پلەی یەکەم لە گەشتکردن هاووڵاتییەیل هەرێم کوردستان ئەرای، ئیجا لوبنان ئمجا ئەرمینیا.
دوو فڕۆکەخانەی ناودەوڵەتی لە هەرێم کوردستان هەس، لە هەولێر و لە سلێمانی، و فڕۆکەخانەی هەولێر جیوازیەیل فرەیگ دیرێد، وەگەرد فراوانیی وبەشکردن فرەیگ وهاوکاریی وەگەرد بڕیگ لە کۆمپانیایل فڕۆکەوانی.
