شانديگ لە ژوور بازرگانی ئەمریکا رەسێدە کوردستان
2023-06-13T14:02:57+00:00
شەفەق نیوز/ سەفین دزەیی وەرپرس وەزارەت پەیوەندییەیل دەیشت لە حکومەت هەرێم کوردستان، ئمڕو سێشەممە، راگەیان: ژوور بازرگانی ئەمریکا خوازێد بەشداری لە کەرت بەرهەمهاوردن لە هەرێم کوردستان بکەێد.
دزەیی لە کۆنگرەیگ رووژنامەوانی لە هەولێر وت: ژوور بازرگانی ئەمریکی دامەزراوەیگ فرە وەتواناس، ملیۆنا ئەندام دیرێد لە ئەمریکا، وتیش: بڕیارە هەفتەی ئایندە شاندیگ ژوورەگە سەردان هەرێم کوردستان بکەێد.
وتیش: سەردانەگە ئەرا گفتوگۆ وەرد لایەنە پەیوەندیدارەیلە لە حکومەت، کەرت تایبەت، و ژوور بازرگانی لە هەرێم لەباوەت چوینیەتی هاوکاریکردن کۆمپانیا ئەمریکییەیل ئەرا هاتن وەرەو هەرێم وە ئامانج بەرهەمهاوردن راستەخۆ، یا هاوردن ئەزموون خوەیان لە کوردستان و عراق وە گشتی.
دیزی هەمیش وت: حکومەت هەرێم ئامادەس گشت جویرە هاوکارییگ پێشکەش بکەێد ئەرا دابینکردن ئاسانکاری ئەرا ئەو کۆمپانیایلە.
