شاندیگ لە هەرێم کوردستان ئمڕوو سەردان بەغداد کەێد
2023-08-30T10:29:58+00:00
شەفەق نیوز/ بڕیارە شاندیگ لە حکومەت هەرێم کوردستان، ئمڕوو چوارشەممە، سەردان بەغداد پایتەخت بکەێد.
وەگورەی ئەو زانیارییە کە کەفتیەسە دەس ئاژانس شەفەق نیوز؛ سەردانکردن شاندەگە وە ئامانج دانوسەنین وەگەرد لایەنەیل پەیوەندیدار لە حکومەت فیدڕاڵی لەباوەت مووچەی مانگانەی فەرمانبەرەیل و کراکارەیل کەرت گشتی لە هەرێم کوردستان تیەێد، وەگەرد بەش کوردستان لە بودجە.
وەرجەیە، شاند کورد سەردانەگەی خستە دویا، ئەوەیش لەوەر کردن باوگ وەزیر نەفت عراقی ئیجا کوشیان خوەشک و دویەتەی وە رویداویگ هاتوچو لە باشوور وڵاتەگە.
دویەکە سێشەممە، فەوزی حەریری سەرۆک دیوان سەرۆکایەتی هەرێم کوردستان، کلنەکردن شایستەیل دارایی هەرێم وەلایەن حکومەت فیدڕاڵی وەکاریگ نا شەرعی و نا یەکسانی دادە قەڵەم.
