شاخەوانەیل کوردستان رەسنە بان هەڵگورد
شەفەق نیوز/ شاخەوانەیل کوردستان روی وەرەو قەزای چۆمان کردن، تا بڕەسنە کوێەی هەڵگورد، ک لەورا گەوراترین گوڵەم ئاوی لە خوەرهەڵات ناوڕاس هەس.
ئی کاروانە لەوەر کەم وارانی وکەم وەفری لە مەوقەی خوەی نەهات.
نهرۆ ئەمین یەکیگ لە شاخەوانەیلە، ئەرا ئاژانس شەفەق نیوز ئویشێد: مەوقەی ئی کاروانە لە مانگەیل ئاب و ئەیلوول بویاد، ک وەفر تاویادەو و واران وسیاد، تا شاخەوانەیل بتوێەینن بڕەسنە گوڵەم بیکودیان، وەلێ ئمساڵ لەوەر کەم واران و وەفرەگە ریەیلە وازەو بوین.
ئەمین هەمیش ئویشێد: تا نزیکەی سێ ساعەت ریکردن وەپا ئیجا رەسێدە لووتکەی کوێەگە و رەسێدە لای گوڵەمەگە، و توێنێ وەو دیمەنەیل رەنگینە دڵ خۆش بکەێ هەنای وەفرەگە تاویەێدە ناو گوڵەمەگە.
ئەندام تیمە شاخەوانیەگە نشان دەێد ک تیم شاخەوانیەگە روی وەرەو گوڵەمەگە کرد، و ئمشەو لەورا گوزەران کەن، و هیمان کەشوهەواگەی سەردە ک لە شەوانە داوەزێدە خوار سفر سەدی.
