کەش و هەوای واراناوی روی لە هەرێم کوردستان کەێد

شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو پەنجشەممە، کەشوهەوای دوو رووژ ناوچەگە دیاریکرد.

کەشناسی لە بەیانامەیگ راگەیان "ئمڕوو ئاسمان واراناویە وەگەرد وەفر وارین لەناوچە کویەیلە و لە ناوچە سنووریەیل زیاترە پلەی گەرمی وەشیوەی وەرچەو داوەزێد  (5  -8  ) پلە".

 کەشناسی دیاریکرد، "سوو پاسمان ئەور تەواوە وەگەرد نمە واران وارین لەناوچە جیاوازەیل هەرێم وەگەرد وەفر وارین لە  ناوچە کویەیل هەرێم، لەدیر وەخت شەو وەفر وارین وەرەو ناوڕاس هەرێم درویژەوبوود".

بەرزترین پلەی گەرمی مەزەنەکریاگ وە  پلەی سیلیزی :

هەولێر     : 13 پلەى سیلیزى

سلێمانی  :   10 پلەى سیلیزى

دهۆک     : 14 پلەى سیلیزى

کەرکوک  : 16 پلەى سیلیزى

زاخۆ      :  12 پلەى سیلیزى

هەڵەبجە : 14  پلەى سیلیزى

حاجی ئۆمەران: 1-  پلەى سیلیزى

سۆران: 7 پلەى سیلیزى

گەرمیان  : 18 پلەى سیلیزى.