شەش تویشهاتن نوو وە ڤایرۆس کۆڕۆنا وە ماوەی هەفتەیگ لە هەرێم کوردستان
2023-01-21T11:13:23+00:00
شەفەق نیوز/ وەزارەت تەندروسی لە هەرێم کوردستان، ئمڕوو شەممە، توومارکردن ٦ تویشهاتن نوو وە ڤایرۆس کۆڕۆنا وەماوەی یەک هەفتە راگەیان، تا گشت شمارەگە بڕەسێدە 466958.
وەزارەتەگە لە بەیاننامەی هەفتانەی پەتاگە ک رەسیە ئاژانس شەفەق نیوز وت: ٦ بیمار لە پەتاگە خاسەو بوینە، تا گشت شمارەی خاسەوبویەیل لە پەتاگە بڕەسێدە 459481.
هەرلیوا، هەرێم کوردستان لەماوەی هەفتەی گوزەشتە هویچ مردنیگ وە ڤایرۆسەگە توومار نەکرد، تا گشت شمارەی مردنەیل لەپای 7469 بمینێد.
