سودانی.. ئەوەسا وە رێکوپێکی وەردەوام بویمن لە بەشەوکردن مووچەیل هەرێم کوردستان

شەفەق نیوز/ محمد شیاع سودانی سەرۆک وەزیرەیل عراق، باس ئەو ناکۆکییەیلە کرد ناوەین هەولێر و بەغدا کە وت هونەریە نەک سیاسی، و دووپات کرد کە حکومەتی وەرمەتاتە وە سپۆنسەرکردن مووچەی فەرمانبەرەیل و کارمەنەیل کەرت گشتی لە هەرێم کوردستان ئەرا ئەو مانگەیل لە ساڵ  2025 وە ئومید تەواوکردن ئەو تێبینیەیل.

لە دیداریگ وەرد کەناڵ "الشرق" سودانی باس ناکۆکیەیل و باوەتەیل گیرهاتگ ناوەین بەغداد و هەولێر و وت: ئی خاڵەیلە کە کاریگەری لەبان ئاست پەیوەندی ناوەین هەرێم کوردستان و بەغداد بوی خستیمنە کەنار، 

 و وە گیان هاوکاری و هاوبەشی گام کەورەیگ بڕیمنە لە چارەسەرکردن ئەو خاڵەیلە.

دیاری کرد کە ئەو تکەپا لە پرسیگ ناسیای و گرنگ ئەرا هاوڵاتی، کە مووچەی فەرمانبەرەیلە، گیچەڵ هونەریە نەک هەڵوێست سیاسی لە بەغداد.

سودانی وتیش؛ گیچەڵەیل هونەری لە رووشنایی پەیوەندی فەرمانبەرەیل هەرێم کوردستان وە بودجەی فیدڕاڵی، و بایەسە خەرجکردن لە وەزارەت دارایی فیدڕاڵی لە ڕووشنایی بڕیار دویایین دادگای فیدڕاڵی بوود، کە میکانیزمیگ دانا ئەرا نیشتمانیکردن مووچە و وەدەسداین داهاتەیل تانەفتی، ئەوەیش بایەسە حکومەت هەرێم و وەزارەت دارایی فیدڕاڵی ئەو ریکارەیلە تەواو بکەن کە تکەپا و گیچەڵ هونەری وەخوەیان دین، و لەی دویاییە تەواو کریا، و مووچەی فەرمانبەرەیل لە کانوون دویەم 2025 دریا.

سودانی وتیش: ئەوەسا وەردەوام بەیتە لەو مانگەیل وە رێکوپێکی، وە ئومید تەواوکردن تێبینیەیل هونەری کە وەزارەت دارایی فیدڕاڵی دیارییان کرد، و داوا لە برایەیل لە هەرێم کریەێد چەودیاریی بکەن.