سوپای تورکیا دارەگان لە هەرێم کوردستان بڕێد و وەچیلگ فرووشێدەی خەڵکەگە
2020-12-19T14:21:23+00:00
شەفەق نیوز/ هاشم کولی موختار ئاوای کشانی لە باکوور ناحیەی باتیفا لە قەزای زاخۆ سەروە پارێزگای دهۆک، ئمڕوو شەممە، ئاشکرا کرد ک سەربازە تورکەگان لەدەورگرد ئاوایەگە دارە سرووشتیەگان بڕن و فرووشنەی خەڵک ناوچەگە ئەرا سزانن لەوەر سەردی.
هاشم کولی ئەرا ئاژانس شەفەق نیوز دیاریکرد ک ئاوایەگەی لە تاوسان گوزەیشتەو لەوەر رویوەڕوبینەگان لەناوبەین سوپای تورکیا و پەکەکە چووڵ کریاگە.
وتیش؛ ئی رویوەڕوبینەیلە و بمباران ئاسمانی و تووپ تورکیا لە تەپەیل بان ئاوایەگە بویە هووکار زەردەیلیگ دارایی گەورایگ لە دارایی و زەویەیل هاووڵاتیبەگان.
