سوپای پاسداران ئیران هیزەیلی لەبان سنوور هەرێم کوردستان گردەو کەێد

شەفەق نیوز/ ریخریاگ "هەنگاو" کورد ک پەیوەندیدارە وە ماف مرۆڤ، ئمڕوو دووشەممە، راگەیان ک سوپای پاسداران ئیران هیز گەورەیگ وە چەک قورس هاوردیەسە بان سنوور ناوچەی حاجی ئۆمەران لە هەرێم کوردستان.

ریخریایەگە لە بەیاننامیگ رەسیە ئاژانس شەفەق نیوز وت: شمارەی گەورەیگ لە وەرپرسەیل ئیرانی لە تەهران پایتەخت هاتنەسە شار شنۆ لە ئیران ئەرا وەڕیەوبەردن ئی هیزەیلە ک لەبان سنوورەگە وەرد هەرێم کوردستان گردەو بوینە.

لەلای خوەییش، کۆمەڵەی ئۆپۆزسیۆن ئیران "رەنجدەرەیل کوردستان" وت: دویەکە سوپای پاسداران چەن جاریگ تەقەلا دا لە سنوور هەرێم کوردستان رەد بکەێد، باوجی دویای رویوەرویبوین وەگورد کۆمەڵگە خوەیان کیشانەو.