سه‌ركرده‌يل پێشمه‌رگه ريككه‌فتن له‌بان جيوه‌جيكردن خاسسازى و نه‌هيشتن گرفته‌يل
شه‌فه‌ق نيوز/ شۆرش ئسماعيل وه‌زير پێشمه‌رگه له حكومه‌ت هه‌رێم كوردستان, ئاشكراى ئه‌وه كرد له چوارچيوه‌ى دانيشتن وه‌ل سه‌ركرده‌و نوێنه‌ره‌يل له هيزه‌يل 70 و 80ى سه‌ر وه هيزه‌يل پێشمه‌رگه, ك بريار پرووژه‌ى خاسسازى حكومى و په‌سه‌نكردنى له‌لايه‌ن په‌رله‌مان كوردستان پابه‌ندبوينيگ وه كورته‌وكردن ريه‌يل ئه‌خوازێد وه گيانيگ پڕ له وه‌رپرسيارێتى و گورجكردن گامه‌يل خاسسازى له وه‌زاره‌ت پێشمه‌رگه.
ئسماعيل وت: ده‌رفه‌ته‌گه گونجياێ و له‌وه‌رده‌سه ئه‌را جيوه‌جيكردن پرووسه‌ى خاسسازى و نه‌هيشتن گرفته‌يل وه هاوكارى و هه‌ماهه‌نگى وه‌ل هاوپه‌يمان ناوده‌وڵه‌تى و خواست بته‌ويگ لايه‌نه‌يل سياسى و سه‌رۆكايه‌تى هه‌رێم و سه‌رۆكايه‌تى ئه‌نجومه‌ن وه‌زيره‌يل.
جى باسه، ئسماعيل هه‌ميش وت: ئه‌رك گشتلايگه داواى كار جددى بكه‌ن له‌بان ميكانيزم قۆناغه‌يل جيوه‌جيكردن پرووسه‌ى خاسسازى ك ئاكامه‌گه‌ى دامه‌زرانن هيزيگ سه‌روه‌خوه‌ى و يه‌كگرتگه.
