سلێمانی داوا لە دانیشتوەیلی کەێد واکسین وەربگرن
شەفەق نیوز/ فەرمانگەی تەندروسی سلێمانی لە هەرێم کوردستان، ئمڕوو شەممە، دووارە هووشداری لە خراوبوین رەوش تەندروسی شارەگە لە سای بڵاوبوین ڤایڕۆس کۆڕۆنا کرد.
سەباح هەورامی وەڕێۆبەر تەندروسی سلێمانی لە کۆنگرەیگ رۆژنامەوانی ئاژانس شەفەق نیوز ئامادەی بوی وت: رەوش تەندروسی شارەگە وەرەو زیایبوی تووشهاتنەیلە و زوی بڵاوبوین بیماریەگە چوود، و بایەتە هاووڵاتییەیلە سەردان بنکەیل تەندروسی بکەن هەنای هەس وە بیماری کەن تا بزانن ئەگەر تووش ڤایڕۆسەگە نەهاتنە.
هەورامی داوا لە دانیشتوەیل کرد واکسینەگە وەربگرن وەخاتر نواگردن تووشهاتنیان، و دیاری کرد ک ٩٥٪ لە هاووڵاتییەیلە واکسینەگە وەرنەگردنە.
هەمیش دووپات لەبان خەسەخانەیل و نۆرینگەیل تایبەت کرد هیچ دەرمانیگ دەبێ لە پڕۆتوکۆلەیل تەندروسی سلێمانی وەکار نارن، و هەڕەشەیان وە ریکارەیل یاسایی دا ئەگەر پێشێلکاری بکەن.
وتیش؛ خەسەخانەیلە پڕن لە بیمارەیل و بایەتە ریکارە تەندروسیەکان جیوەجی بکریەن.
