سزیان نزیکەی ٢٠ هەزار دۆنم لە زەویلەیل کشتوکاڵی لە سلێمانی.. وینە
2023-07-04T09:45:10+00:00
شەفەق نیوز/ وەڕیەوبەرایەتی پولیس دارسان پارێزگای سلێمانی، ئمڕوو سێشەممە، کپەوکردن گشت ئەو ئاگرەیلە راگەیان ک لەناو سنوور وەڕیەوبەرایەتیەگە لە ماوەی مانگ حوزەیران گوزەشتە هیز گردنە.
عەمید هێمن کەمەر خان قسەکەر فەرمی پولیس دارسان سلێمانی ئەرا ئاژانس شەفەق نیوز وت: لەماوەی مانگ حوزەیران چەن ئاگریگ لە شوینەیلیگ جیاجیا لە سنوور وەڕیەوبەرایەتی پولیس دارسان سلێمانی هیز گرد، و دیاری کرد ک مەفرەزەیلی توەنستن گشت ئەو ئاگرەیلە کپەو بکەن.
وتیش؛ رووبەر ئەو زەویلیە ک لە مانگ حوزەیران گوزەشتە سزیانە و کپەو کریانە رەسیە ٢٠ هەزار دۆنم فرەیان لە بەرازیەیل بوی، و دیاری کرد ک مەفرەزەیلی ١٠ توومەتبار دەسگیرکردن لەبان شکانن یاسا و هوکاربوین ئاگر و دریانە دەس دادگا وە توومەت خراوەکاری لە ژینگە.
کەمەر خان دووپات کرد ک ئەو ئاگرەیلە زەرەدەیل دارایی وە بڕیگ زەوی و دارایی خەڵکەگە رەسانن.
