سامان ئاژەڵ لە پارێزگای ئیلام فەیلی کەفتیەسە هەڕەشەی فەوتان
شەفەق نیوز/ پارێزگای ئیلام فەیلی، یەکیگە لە سەرچەوەیل دەوڵەت ئیران لە بەرهەم و دابینکردن گووشت سوور، باوجی لەی ماوەی دویاییە، لەوەر هشکەساڵی و کەم وارانی ک گشت ناوچەگە زیان لەلی دوینێد، و گرانبوین نرخ لەوەڕ، کەفتە ژیر هەڕەشە.
راپۆرتەیلیگ ئیرانی ئویشن؛ ئیلام فەیلی دوو مەلیۆن و ٤٠٠ هەزار سەر پەس دیرێد، باوجی شوانەیل لەی ماوەی دویاییە ناچار فرووشتنیان بوین، لەوەر هشکەساڵی وگرانی لەوەڕ.
ئاژانس "میهر" نیمچە فەرمی ئیران لە راپۆرتیگ وت" نزیکەی ٢٥٠ هەزار سەر پەس لەی وەختە لە پارێزگای ئیلام لەوەڕ ئەرایان نییە، و ئیسە خریانەسە فرووشتن ئاشکرا، باوجی بسینی کەمە، ئەوەیش چوینکە توانای سەنین لە پارێزگاگە نییە، تا بڕەسێدە ٢٠ – ٢٤ هەزار پەس لە مانگیگ.
راپۆرتەگە لە زوان وەرپرسەیل پەیوەندیدار وت: تەقەلا دان ١٠ هەزار سەر پەس ئەرا قەتەر و عراق هەناردە بکەن، وەلێ تەنیا هەناردەکردن ٩٧٠ هەزار وەشیوەیگ فەرمی وەپیان کریا.
خاوەن ئاژەڵەیل لە ئیلام فەیلی تا ئیسە زیاتر لە ٢٠ مەلیۆن دۆلار ئەمریکی لەوەر ئەو گرفتەیلە زەرەدمەن بوینە.
