سێ مردن و ٢٨ تووشهاتن نوو وە کۆڕۆنا لە ناوچەیل ئیدارەی سەروەخوەیی

سێ مردن و ٢٨ تووشهاتن نوو وە کۆڕۆنا لە ناوچەیل ئیدارەی سەروەخوەیی
2021-03-09T09:22:06+00:00

شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو سێشەممە، راگەیان تۆمارکردن ٣ مردن لەوەر ڤایڕۆس کۆڤید-١٩ لە باکوور و خوەرهەڵات سوریا.

دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە باکوور و خوەرهەڵات سوریا لە بەیاننامەیگ رەسیە ئاژانس شەفەق نیوز وت: مردنە نووەکان ئەرا دوو پیاو لە تەبەقە و قامیشلۆ و ژنیگ لە شەهبا تۆمار کریان.

موستەفا وتیش؛ ٢٨ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی ئەرا ١٩ پیاو و ٩ ژن تۆمار کردن.

و تووشهاتنە نووەگان وەیجوورە بەشەوە بوین؛ حەسەکە ٥، قامیشلۆ ٩، ریقە ٤، دێر زۆر ٥، مەنبج ٣، تەبەقە ١، شەهبا ١.

جی باسە ک ژمارەی تووشهاتنەکان لە ناوچەیل باکوور و خوەرهەڵات سوریا رەسیە ٨٧١٧ ، لەلیان ٣٣١ مردنە، و ١٢٥٣ خاسەو بوینە.

Shafaq Live
Shafaq Live