سێ مردن و ٢١ تووشهاتن نوو وە کۆڕۆنا لە ناوچەیل ئیدارەی سەروەخوەیی
2021-03-02T10:21:40+00:00
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو سێشەممە، راگەیان تۆمارکردن سێ مردن لەوەر ڤایڕۆس کۆڕۆنا لەناوچەیل ئیدارەی سەروەخوەیی.
جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت مردنەگان سێ پیاو لە ریقە بوین.
موستەفا وتیش؛ ٢١ تووشهاتن نوو وە ڤایڕۆس کۆڕۆنا لە ناوچەیل ئیدارەی سەروەخوەیی، ئەرا ١١ پیاو و ١٠ ژن تۆمار کریا.
هاوسەرۆک دەزگای تەندروسی لە ئیدارەی سەروەخوەیی ئاماژە کرد ک تووشهاتنە نووەگان وەیجوورە بەشەوە بوین: حەسەکە ٣، قامیشلۆ ٩، دێریک ٢، کەرکی لەکی ١، تەبەقە ٣، ریقە ٢، مەنبج ١.
و هەمیش ٤ خاسەوبوین تۆمار کریا.
جی باسە ک ژمارەی تووشهاتنەگان وە ڤایڕۆس کۆڤید-١٩ لە ئیدارەی سەروەخوەیی رەسیە ٨٦٢٩، لەلیان ٣٢٤ مردنە، و ١٢٥١ خاسەو بوینە.
