سێ مردن و ١٠١ تووشهاتن نوو وە کۆڕۆنا لە ناوچەیل ئیدارەی سەروەخوەیی
2021-03-29T10:04:04+00:00
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو دووشەممە، راگەیان تۆمارکردن سێ مردن لەوەر ڤایڕۆس کۆڤید-١٩ لە ناوچەیل ئیدارەی سەروەخوەیی.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: مردنەکان ئمڕوو ئەرا دوو ژن و پیاویگ لە قامیشلۆ تۆمار کریان.
جوان موستەفا دووپات کرد ک ١٠١ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی ئەرا ٤٣ پیاو و ٥٨ ژن تۆمار کردن.
تووشهاتنە نووەکان وەیجوورە بەشەوە بوین: حەسەکە ٢٢، قامیشلۆ ٤٤، دێریک ١٤، دەرباسیە ٢، ریقە ٩، کەرکی لەکی ٥، عامودا ٣، شەهبا ٣.
وتیش؛ هەفت خاسەوبوین نوو تۆمار کرنە.
جی باسە ک ژمارەی تووشهاتنەکان لە ناوچەبل ئیدارەی سەروەخوەیی رەسیە ٩٧٦٦، لەلیان ٣٧٢ مردنە، و ١٣٠٠ خاسەو بوینە.
