سەرۆک هەرێم کوردستان لە قەتەر گلەو خوەێدە هەولێر
شەفەق نيوز/ نێچیروان بارزانی سەرۆک هەرێم کوردستان، ئیوارەی ئمڕوو یەکشەممە، رەسیە هەولێر، و دۊیای سەردانیگ فەرمی ئەرا دەوڵەت قەتەر ک لە سەردانەگەی چەوی کەفتە سەرۆک دەوڵەتەگە و گەورەی وەرپرسەیلە، ئمڕوو گلەو خوارد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: دۊیای سەردانیگ فەرمی ئەرا قەتەر، نێچیروان بارزانی سەرۆک هەرێم کوردستان، ئیوارەی ئمڕوو یەکشەممە، وەرەو هەولێر گلەو خوارد، و دیاری کرد ک لە سەردان دۆحە، چەوی کەفتە شێخ تەمیم بین حەمەد ئال سانی شازادەی قەتەر و وەزیرەیلی و وەزیر دەرەوەی.
بەیاننامەگە وتیش: لە دیدارەگەی دۆحە باس گەشەپێدان پەیوەندیەیل و فراوانکردن چینەیل هاوکاری هاوبەش لەناوبەین عراق و هەرێم کوردستان وەرد قەتەر، و رەوشەیل ناوچەگە وەگشتی کریا.
بەیاننامەگە باس ئەوەیش کرد ک لە کۆتایی سەردانەگەی ئەرا قەتەر، ئیوارەی ئمڕوو، ماڵئاوایی لە بارزانی وە رسوومەیل تایبەت لە لایەن وەزیر بازرگانی و پیشەسازی قەتەر عەلی بین ئەحمەد کەواری کریا.
