سەرۆک هەرێم کوردستان باس گامەیل وەیەککردن پیشمەرگە وەگەرد فەرماندەی هیزەیل ناودەوڵەتی کەێد
2023-04-04T13:21:40+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، وەگەرد ژەنیڕاڵ ماتیۆ مارکفارلن فەرماندەی گشتی هیزەیل هاوپەیمان ناودەوڵەتی لە سوریا و عراق و شاند یاوەری، باس گامەیل چاکسازی وەزارەت پیشمەرگە کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لەو دیدارە ک قونسوڵ گشتی ئەمریکا لەلای هەرێم کوردستان ئامادەی بوی، ژەنیڕاڵ مارکفارلن سوپاس لە سەرۆک هەرێم کوردستان کرد ئەرا گامەیل وەیەککردن هیزەیل پیشمەرگە و چاکسازی لەناو وەزارەت پیشمەرگە کرد، هەمیش سوپاسی ئەرا رسوومەیل شەوەکی ئمڕوو کرد ک لەناوی دەسکردن وە کار دوو فیرقەی ١ و ٢ لە هیزەیل پیشمەرگە راگەیان.
لەناو دیدارەگە هەمیش باس قایمکردن پەیوەندیەیل ناوبەین هەرێم کوردستان و هیزەیل هاوپەیمان ناودەوڵەتی ئەرا نواگردن داعش کریا، و دووپات لە وەردەوامی پاڵپشتیکردن و دەسمیەتیەیل کریا ئەرا لەناوداین یەکجاری ریخریاگ داعش.
باسکردن لە گرنگی داناین چارەسەری ئەرا گرفتەیل گیرهاتگ ناوبەین هەولێر و بەغدا باوەتەیگتر لەناو ئەو دیدارە بوی.
