سەرۆک ئەنجومەن دادوەری عراق: بایەدە دامەزراوە فیدڕاڵیەگان رێز لە تایبەتمەندی هەرێم کوردستان بگرن
شەفەق نیوز/ مەسرور بارزانی سەرۆک حکومەت هەرێم کوردستان ، ئمڕوو سێشەممە، پێشوازی کرد لە دادوەر فائق زەیدان سەرۆک ئەنجومەن دادوەری باڵای عراق.
لە چەوپیکەفتنەگە باسکریا لە بتەوکردن دەور سەروەخوەیی سیستم دادوری لە عراق، وهەمیش باسکریا لە شیوەیل هاوکاری و هەماهەنگی وەگەرد دەسەڵات دادوەری لە هەریم کوردستان.
سەرۆک ئەنجومەن باڵا وت: بایەدە دامەزراوە فیدڕاڵیەگان رێز بگرن لە تایبەتمەندی هەرێم کوردستان لە گشت چینەگان وەتایبەت لەلایەن دادوەری، و هەمیش ئاماژەکرد ک دەستور خوەی بنەماگەس ک بایەدە هەردوگلاگە لە بنەمای ریبکەن لە چارەسەرکردن ناکۆکی وگرفتە گیرهاتەگان لەناوبەینیان.
سەرۆک حکومەت رووشنایی خستە بان پەیوەندیەگە لەناوبەین هەرێم کوردستان وحکومەت فیدڕاڵی، وجەختکرد لە گرنگی ئەوەگ دەسەڵات دادوەری لە عراق دەور سەروەخوەیی بووەێد لە چارەسەرکردن ناکۆکیەگان و نواگردن لە پێشێلکاریە دەستوریەگان، وتیش: بایەدە رەفتار وەگەرد هەرێم کوردستان بکریەێد جوور پێکهاتەیگ فیدڕاڵی ودەستوری.
