سەرۆک پەرلەمان کوردستان: سیاسیەیل هەرێم دەربارەی مافەیل ژن دوو بەشن
شەفەق نیوز/ رێواز فایق سەرۆک پەرلەمان کوردستان باس ژنەیل لە چین سیاسەت کرد ک بارەیل قورسیگ هەڵگرن.
و دیاری کرد ک ئاسان نیە ک ژن بوێ تەنانەت ئەگەر سەرۆک پەرلەمانیش بوێ، ک بار قورسیگ هالە گەردنمان، ک لەبان خەباتمان ئەرا دیموکراتی و بتەوکردن رەسینەوەی ماف مرۆڤ، هەمیش خەبات لە هووشیاریکردن لە باوەت ماف ژن کەفێدە گەردنمان.
رێواز فایق لە وتارەیلی ئەرا «شەرقل ئەوسەت» وت: سیاسیەکان لەکوردستان دوو بەشن، یەکەمەگە باوەڕ وە مافەیل ژن و وەرگریکردن لەبانیان نەیرێد، و دوویەمەگە باوەڕ وەپیان دیرێد وەلی لەوەر زاڵبوین بەشە یەکەمەگە ویرەی باسکردنی نەیرێد، ئەراوە ئووشم؛ مسۆگەرکردن مافەیل ژن و مقەیەتیکردنی ئاڵشتکردن لە رەسینەوە و هویرە باوەکان لەناو کۆمەڵکا خوازێد، و هیچ ئومێد نزیکیگ لە ئاڵشتکردنی ئەرام دیار نییە، ک کار و خەبات فرەیگ خوازێد، و ئیمە لە کار و خەباتمان وەرداوامین.
وتیش؛ رەوش ژن کورد ئمڕو لە گوزەیشتە خاسترە، ک خوەی قۆناغ نوویکە وە بەراوردی ئەو شوونەیل عراق و فرە لە دەوڵەتەیل هاوسا، بەڵکم گرفت وزیانەیل ژن هیمان وەشیوەیلیگ جووراجور لە هەرێم هەسەیان، لەبان ئەو دەسکەفتەیلە لە چین داناین و راسەوکردن یاساکان.
