سەرۆک بەرهەم ساڵح لەبان تویتەر وە زووان ئیتالی ماڵئاوایی لە پاپا کەێد
2021-03-08T07:53:32+00:00
شەفەق نیوز/ بەرهەم ساڵح سەرۆک عراق، ئمڕوو دووشەممە، وت: هەسی پاپای ڤاتیکان لە عراق نشانەی ئاشتی و دووسیە.
ساڵح وەزووان ئیتالی لە تویتەگەی نووسان: ماڵئاوایی لە قەداسەت پاپا فرانسیس کەیمن، ک میوان ئەزیزیگ بوی لە بەغداد و نەجەف و ئوور و هەولێر و نەینەوا، سەردانەگەی جوور پەیامیگ هاوکاری مرۆیی گەورایگە، و هەسی پاپا لەناونی ئیمە نیشانەی ئاشتی و دووسیە، و ئەوە هەر لەدڵ گشت عراقیەکان مینێد.
