سەرۆکایەتی هەرێم کوردستان ئیدانەی رویداو فڕۆکەخانەی سلێمانی کەێد
2023-04-08T07:49:59+00:00
شەفەق نیوز/ سەرۆکایەتی هەرێم کوردستان، ئمڕوو شەممە، ئیدانەی رویداو ئەو گورزە کرد ک دویەکە جمعە، فڕۆکەخانەی سلێمانی کردە ئامانج، و لە خود وەختەگە، نیگەرانیی لەو ژاوەژاوە نشان دا ک لەپشتی کەفتە ناوبەین حکومەت هەرێم کوردستان و حزب یەکێتی.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لەو وەختە ک داوا لە لایەنەیل پەیوەندیدار کەیمن ئەرک خوەیان جیوەجی بکەن لە لێکۆڵینەوە لە سەرچەوە و بندروس ئی رویداوە، بایەتە گشتی خوەی بگرێد و وەگەرد رویداوەگە وەشیوەیگ ئاشتیانە رەفتار بکەێد، و لەجیای توومەتکردن ئەوەکە، بایەتە لە دادوەری گام بنریەێد.
بەیاننامەگە وتیش: دڵنیای گشت هاووڵاتیەیل و خەڵک سلێمانی وەتایبەت کەیمن ک مقیەتیکردن ئاسایش و ئارامی ژیان هاووڵاتیەیل لە یەکەمینەیل ئەرک دامودەزگایل حکومەتیە لە کوردستان، و قەت ری نیەێد بکەفنە وەر مەترسی.
