سەرۆکایەتی هەرێم: نێچیروان بارزانی ئمڕوو سەردان بەغداد کەێد

شەفەق نیوز/ سەرۆکایەتی هەرێم کوردستان، راگەیان؛ سەرۆک نێچیروان بارزانی، ئمڕوو سێشەممە، سەردان بەغداد پایتەخت کەێد.

سەرۆکایەتی هەرێم لە بەیاننامەیگ رەسیە ئاژانس شەفەق نیوز وت: نێچیروان بارزانی ئەوەسا لە سەردانەکەی وەگەرد عەبدولەتیف رەشید سەرۆک کۆمار عراق، و محمد شياع سودانی سەرۆک وەزیرەیل، و فائق زەیدان سەرۆک ئەنجومەن دادوەری باڵا، و سەرکردە و وەرپرسەیل گەورەیگ، و هیز و لایەنەیل سیاسی لە وڵاتەگە گردەو بوود.

بەیاننامەگە دیاریکرد ک سەرۆک هەرێم کوردستان ئەوەسا وەگەرد سەرکردە و وەرپرسەیل عراق باس رەوشەیل وڵاتەگە، و پەیوەندیەیل هەولێر- بەغداد و گفتوگۆ و تەقەلایل چارەکردنیان، و گەشەیل ناوچەگە وەشیوەی گشتی و باوەتەیلیگ تر کەێد.