سیاسییگ عراقی باسیگ ناکاوی لە هووکار ناکۆکیەگان بەغداد- هەولێر تەقنێدەو
شەفەق نیوز/ سیاسەتکار عراقی ناودیار، میسال ئالووسی، ئمڕوو دووشەممە، ئاشکرای هووکار ناکۆکیەگەی ناوبەین بەغداد و هەولێر کرد.
شیعەگان ئاست داواکاریەگان بەرزەو کەن.. نزیکە دانووستانەگان بەغداد و هەولێر بشیویەن
ئالووسی ئەرا ئاژانس شەفەق نیوز وت: تەقەلا ئەرا پیچانن دەس هەرێم کوردستان هەس، لەڕی پویل بڕین و کارەیلیگ تر ک بەغداد کەێدەی وە هاندان و جەخت لەلایەن میلیشیاگان و هێزە سیاسیەیل سەروە ئیران.
و دیاری کرد مەبەستەگە لەوە چوودەو ئەرا ئەوە ک لە کەرکوک و نەینەوا و دیالە کورد هەس، ک خوەی ئەو رییەسە ک وەرەو سوریا بەسێد، ک وە مانگ شیعی ناسریاگە وئیران کار ئەرا پەیاکردنی کەێد.
وتیش؛ ئیران وەشیوەیگ راستەخۆ تەقەلای وەرگردن هاوکاری و پشتگردن کورد دا ئەرا دروسکردن ئی رییە، وەلی کورد ئەوە رەت کرد، وەتایبەت مەسعود بارزانی سەرۆک پارت دیموکرات کوردستان.
ئالووسی وتیش: ئەوە وەشیوەیگ تەواوەتی بویە هووکار ناکۆکیەگەی بەغداد و هەولێر لە مووچە بڕین و گرفتەیلیگ تر، ک ئیران هالە پشتیان، بەڵکم قویلیانەو کەێد ئەرا جەختهاوردن لەبان کورد تا رازی وە (مانگ شیعی) بوود.
