زیایبوین فرووشتن ئەندامەیل لەش لەناو ئاوارە و پەنابەرەیل لە هەرێم کوردستان
زێباری لە کۆنگرەیگ رووژنامەوانی لە هەولێر وت: لە ساڵ ٢٠٢١ زیاتر لە ٨ هەزار کراکار بیگانە هاتە ناو هەرێم کوردستان، کە ئی شمارە وە فەرمی لەلای وەزارەت کار و کاروبار کۆمەڵایەتی توومار کریایە، و شایەت کەمیگ زیاتر یا کەمتر بوود.
وتیش؛ لە ساڵ ٢٠١٣ ئەوبان، نزیکەی ٧٠ هەزار کراکار بیگانە هاتنە کوردستان، وتیش؛ ئی ریژە بەرزە.
زێباری وتیش؛ پەنابەر و ئاوارەیل بوینە قورسی و وەرپرسایەتی لە گەردن دەسەڵاتەیل هەرێم کوردستان لەوەر بڵاوبوین فرووشتن ئەندامەیل لەش لەناو خوەیان.
ئەو وەرپرس کوردە خەفەت خوەی وەرانەوەر زیایبوین ئی کارەیلە لەناو پەنابەر و ئاوارەیل نشان دا، و داوا لە حکومەت هەرێم کوردستان کرد کار وەخشین ئەندامەیل لەش رێک بخەێد، وەو جویرە کە پەیوەندی وە لایەن مرۆیی دیرێد.
هەرلیوا، زێباری ئاماریگ لە فرووشتن ئەندامەیل لەش دیاری نەکرد، باوجی هوکارەیلی دیارە کە وە پلەی سەرەکی لەوەر رەوش ئابووری و رەوشەیل سەخت ئاوارە و پەنابەرەیل پەنا وەی کارە بەن.
