کرمانشان بوودە پایتەخت رووشنهویری شارەیل ئاسیا
شەفەق نیوز/ سەرۆک شارەوانی شار کرماشان نادر نەوروزی راگەیان، وەپای راگەیانن سکرتاریەت کۆڕبەن شارەوانیەیل ئاسیا، ئەو شارە بویەسە پایتەخت رووشنهویری شارەیل ئاسیا.
نەوروزی لە بەیانیگ رووژنامەوانی وت، وەپای ئەو لێکۆڵینەوەیلە سکرتاریەت کۆڕبەن شارەوانیەیل ئاسیا کردنەسێ شار کرماشان جویر پایتەخت شارەیل ئاسیا ئەرا ساڵ 2025 هەڵوژیریا، وە لەوەرچەوگردن توانای دەوڵەمەنی رووشنهویری و ئەو چالاکیەیلە لەماوەی ساڵ وەرین ئەنجامی داگە.
وتیش؛ کرماشان گەپترین شارە لە خوەرئاوای ئیران (گەپترین شار کوردیە) زیاتر لە 4000 شوینەوار مێژوویی گردیەسە خوەی وەگەرد رووشنهویری و دابونەریتەیل جیاواز، وەردەوامبوی و وتیش؛ هەڵوژاردن ئێ شارە جویر پایتەخت رووشنهویری شەرەفیگە ئەرا کرماشان.
دیاریکرد "یە بوودە مدوو ئەوزەڵداین وە گەشتوگوزار و وەرەونواچگن و فراوانبوین چالاکیەیل کرماشان وەگەرد شارەیل ترەک لە ئیران و جەهان".
