پەرلەمان کوردستان ئومید بڕیاردان بوودجەی فیدڕالی دیرێد تا بوودجەی هەرێم واژوو بکەێد
2021-03-31T08:30:56+00:00
شەفەق نیوز/ رێواز فائق خانمە سەرۆک پەرلەمان کوردستان، ئمڕوو چوارشەممە، باس لە ئومید خوەی کرد ئەنجومەن نۆێنەران عراق لە بڕیاردان پڕۆژەی یاسای فیدڕالی ئەرا ساڵ ٢٠٢١ سەربکەفێد.
فائق لە وتاریگ ئەرا رووژنامەنووسەیل لە وەردەم پەرلەمان وت: حکومەت هەرێم ئاگادارمان کرد ک خوەی هالە نوای دوو پەسەن، یەکیگیان رێککەفتن وەگەرد حکومەت فیدڕاڵی و ئەواکە رێکنەکەفتنە، و دووپات کرد ک دانووستانەکان لەباوەت بڕیاردان بوودجەی فیدڕالی وەخت دریژیگ کیشا.
هەمیش وت؛ حکومەت هەرێم چەوەڕی ئی هەفتە کەێد ئەرا بڕیاردان بوودجەی فیدڕالی تا ئیجا بوودجەی هەرێم ئەرا پەرلەمان کوردستان رەوانە بکەێد، وتیش؛ ئومید رێککەفتن و دەنگدان لەبان بوودجەی فیدڕالی خوازیمن و هاندان کشت لایەنەکان لەبان بڕیاردانی کەیمن.
