گردەوبوین جیاوازیگ ئەرا هاوپەیمان وەڕیەوبردن دەوڵەت وە ئامادەبوین نێچیروان بارزانی و سودانی
سەرچەوەگە ئەرا ئاژانس شەفەق نیوز وت: نێچیروان بارزانی سەرۆک هەرێم کوردستان ئەوەسا ئمڕوو لە گردەوبوین جیاوازیگ ئەرا هاوپەیمان وەڕیەوبردن دەوڵەت ئامادە بوود، وە ئامادەبوبن سودانی و ئەو سەرکردەیل.
سەرچەوەگە وتیش: لە دیدارەگە ئەوەسا باس ڕێککەفتەیل سیاسی و باوەتەیل گیرهاتگ ناوەین بەغداد و کوردستان کریەێد.
ئاژانس شەفەق نیوز لە رووژ پەنجشەممە ئاگادار بوی کە نێچیروان بارزانی سەرۆک هەرێم کوردستان ئەوەسا سەردان بەغداد کەێد.
لەی باوەتە دڵشاد شهاب قسەکەر فەرمی سەرۆکایەتی هەرێم کوردستان ئەرا ئاژانسمان وت: بڕیارە سەردانەگە رووژ شەممە وەڕیەو بچوود، کە بارزانی ئەوەسا چەوی کەفێدە محمد شیاع سودانی سەرۆک وەزیرەیل عراق.
وتیش: لەی سەردانە ئەوەسا بارزانی وەگەرد وەرپرسەیل عراق باس باوەتەیلیگ کەێد جویر بوودجە و مووچەیل و نەفت و دووارە هەنارەکردن نەف وەگەرد پەیوەندیەیل ناوەین هەولێر و بەغدا و باوەتەیلیگ ترەک.
